“TMNT”, leikstýrð af “Kevin Munroe” er þrívíddarteiknimynd um “Teenage Mutant Ninja Turtles”. Myndin fjallar um skjaldbökurnar unga og sundrung í hópi þeirra á tímum þar sem heimsendir gæti verið í nánd. Á meðal leikara sem ljá persónum í myndinni rödd sína má nefna “Sarah Michelle Gellar”, “Patrick Stewart”, “Laurence Fishburne” og “Mako”, sem er nýlátinn.
“TMNT” inniheldur skemmtilega sögu sem mætti þó vera betur skrifuð. Þar má t.d. nefna að það kemur annkannalega fyrir sjónir að sjá þrjúþúsund ár aftur í tímann og sjá þar menn stálbrinjaða en þar sem forsaga skjaldbakanna er svo sem ekkert meistarastykki heldur lætur maður það ekki á sig fá. Allur bakgrunnur í myndinni er einstaklega vel unninn og er þar á ferð mjög vönduð vinna, hinsvegar eru frekar dúkkuleg módel notuð fyrir persónurnar. Leiklesturinn og hljóðvinnslan í myndinni eru nokkuð góð og styrkja söguna mikið.
Sem heild er myndin ágætis skemmtun, hasarmynd út í gegn. Hún er vafalaust ekki fyrir alla en ætti að vekja áhuga þeirra sem þekkja sögu skjaldbaknanna fjögurra.
Engin ummæli fram að þessu ↓
Engin ummæli ennþá...Fylltu út reitina hér fyrir neðan og vertu fyrstur.
Rita ummæli